انا مقدرش استغني عنها:((((((((
بجد انا متربية عليهاومفيش
حاجة بتهدي لي اعصابي غيرها
شوفي لي اي راي يقول انها حلال
او اي عمل خير اعمله ازود بيه حسناتي
واخليني معاها وفيها وعايشة في دايرتها
لو سبتها هموت وقلبي هيموت
*-----------------*
عارفين انا بتكلم علي ايه ؟؟؟؟؟؟؟؟؟
.
.
.
.
.
.
عن الكلمات اللي بنسمعها وبتتعبنا
والالحان اللي اتعودنا عليها من صغرنا
عن المغنيين اللي مكناش نقدر نفوت
يوم غير لو سمعنا صوتهم
عن احساس القهر والفراق
والهجر والضياع والكره وووووو
ايوة انا بتكلم عن الاغاني
هي دي الكلمات اللي بتقولها
اي واحدة مش قادرة تبطل اغاني
واحب اقولك مبروك عليكي حبيبتي لقب
.
.
.
.
عبد الاغاني
.
.
.
.
حبيبتي في الله
سمعنا من طرف واحد فقط نعم
سمعنا قرءان الشيطان
ولم نسمع قرءان الرحمن بقلوبنــــــــــــــــا
حبيبتي........ انت اغلي من ان تتقيدي بقيد مغني
ممكن جدا يكون داعر فاجر او حتي كافر
تسمعي له وتحبي كلامه وصوته طيب وكلام ربك؟؟؟
لو قلتي لي انا بسمع الاتنين وبحب الاتنين
احب اقولك عفوا يعني كذابــــــــــــــــة
اه لاني انا قبل ما ابطل اسمعها كنت بقول كده
وكنت فعلا معرفش يعني ايه قرءان كنت
باخذ القرءان كده زي مابيقولوا من علي الوش
كان القرءان عندي حمل ولازم يخلص
ولما اختم مرة اقول الحمـــــــــــــد لله خلصت
كانه هم علي قلبي
سبحان الملك
لايجتمع اثنان في القلب القرءان والغناء ....
ربك عزيز وكلامه عزيز ازاي تحطي
وردة مع بصله في نفس الزهرية؟؟
مع اختلاف التشبيه طبعا
عارفة اختاه الكام دقيقة اللي بتسمعي
فيهم اغنية دول بيعملوا فيكي ايه؟
بيعملوا ظلمة في القلب وانا علي
يقين من ده لانه وعد الله عز وجل
مش ربك قال
(ولاتكونوا كالذين ءاوتوا الكتاب من قبل فطال
عليهم الامد فقست قلوبهم وكثير منهم فاسقون)
اه البعد عن ربك والقرب مما يغضبه يجعل علي قلبك ران
يجعل قلبك مختوم عليه بالمعاصي
يسمع وكانه ماسمع وربما راي ميتا ولايتاثر
وكفي بالموت واعظا
الاغاني دي غير انها بتظلم القلب وتجعله كالبيت الخرب
عارفة ايه عقابها؟؟؟؟؟؟؟
ولو صدقتي كلام رسولك ماهتقدري تسمعي لحظة في اغنية
عارفة ان عقاب الاغاني آنك يصب في اذنك يوم القيامة؟
عارفة يعني ايه رصاص مغلي او حديد مغلي يتصب في اذنك؟
ايه يستاهل؟
ايه يستاهل ان لا تستلذي باعظم
لذة في الكون وهي الانس بالله
فكيف تستانسين بالله وقلبك خرب
قلبك ملئ بواحد هجر واحدة وواحدة
خانت واحد وواحد بيعيط علي صاحبته
واللي يغيظ كمان ان الاغاني مبتريحش
يعني لو اعصابك تعبانة وسمعتيها هتحسي
انك عايزة تضربي دماغك في الحيطة :((
والله اختاه اني لك ناصحة امينة
تستحملي غضب الجبار؟
تستحملي عتابه ليكي؟
تستحملي عذابه؟
تستحملي تمسخي في قبرك قردة او خنزيرة؟
ازاي تقولي لربنا انا هاخد اللي يناسبني
من كلامك ومش هاخد اللي علي مزاجي؟
ازاي يكون في بينك وبين ربنا خط
احمر تقولي ده ينفع وده مينفعش؟
ازاي تقدري تعملي كده؟ ازاي اللي رزقك بالسمع
تقولي له لا بقي هسمع اللي يغضبك؟
ايوة ده لسان حالك وانتي بتسمعي الاغاني
افتكري انك ممكن جدا تموتي وانتي بتسمعيها
وبسبب تافه زي ده يختم لك بخاتمه سوء
والله سمعنا قصص يشيب لها الراس من عاقبة سماع الاغاني
واحد وهو بيموت مش قادر يتشاهد والروح
مخرجتش غير لما شغل الاغاني بعلو الصوت
متخيله؟؟ متفتكريش انك هتتوبي وقت الموت
وتتشاهدي وكده تمام الشهادة دي
مش 7 كلمات نقولم وتمام كده
لاااااا الشهادة دي بيرزقها الله للمؤمن عند موته
لما يري في قلبه الخير ولما يري في حياته
السير علي صراطه المستقيم
اختاه ببساطة هقولك ممكن تمري بمراحل
علشان متتعقديش وتقولي مش قادرة
1- تتركيها تماما وانتي في قلبك حب لها وهذا هو جهاد النفس
2-بعد قليل هتبقي مش فارقة معاكي اوي
3-بعد كده هتكرهيها فعلا
4-بعد كده والله هتتعبي لما تسمعيها
لكن لما تخلي قلبك من الاغاني لازم تمليه فورا بالقرءان
--------------------------
اسمعي كده الانشودة دي وقولي لي
حسيتي بايه وانتي ممكن يكون سعيك
في الدنيا كله راح وملوش لازمة
(مابالي انفقت حياتي في لهو طاغ مجنونِ)
ربنا يعافينا يااااااااارب
هختم معاكي بحديث نبيك صلي الله عليه وسلم
*------------*
ليكونن من أمتي أقوام يستحلون الحر والحرير والخمر والمعازف ولينزلن أقوام إلى جنب علم يروح عليهم بسارحة لهم تأتيهم الحاجة فيقولون ارجع إلينا غدا فيبيتهم الله ويضع العلم ويمسخ آخرين قردة وخنازير إلى يوم القيامة
الراوي: أبو مالك الأشعري المحدث: ابن القيم - المصدر: تهذيب السنن - الصفحة أو الرقم:
10/153
خلاصة حكم المحدث: صحيح
*-------------*
اسال الله ان يعفو عنا وعنكم ويعلمنا
ويفهمنا ويرزقنا طهارة القلب من
الغناء وغيره من امراض القلوب
الرئيسية 
